காலையில் தங்கம் விலை குறைக்கப்பட்டிருந்த நிலையில் மாலையில் மேலும் குறைந்துள்ளது.

தங்கம் வாங்க நினைப்பவர்கள் அதை வாங்கவே வேண்டாம் என்று யோசிக்கும் அளவுக்கு சென்னையில் தங்கம் விலை தொடர்ந்து உயர்த்தப்பட்டு வந்தது. இதனால் நகை வாங்குவோர் மிகவும் சிரமப்பட்டனர். இந்நிலையில், கடந்த இரண்டு நாட்களில் விலைச் சரிவு காணப்படுகிறது. இன்று காலையில் கூட சவரனுக்கு 24 ரூபாய் குறைக்கப்பட்டது.

சென்னையில் இன்று (அக்டோபர் 18) காலையில் ஒரு கிராம் (22 கேரட்) ஆபரணத் தங்கத்தின் விலை ரூ.4,462 ஆக இருந்தது. மாலையில் அது 4,456 ரூபாயாகக் குறைந்துள்ளது. அதேபோல, இன்று காலை 35,696 ரூபாய்க்கு விற்பனை செய்யப்பட்ட 8 கிராம் ஆபரணத் தங்கம் மாலையில் 48 ரூபாய் குறைந்து 35,648 ரூபாய்க்கு வந்துள்ளது.

தூய தங்கத்தின் விலையும் தற்போது குறைக்கப்பட்டுள்ளது. இன்று காலை 4,826 ரூபாய்க்கு விற்பனை செய்யப்பட்ட ஒரு கிராம் தூய தங்கம் மாலையில் 4,820 ரூபாயாகக் குறைந்துள்ளது. அதேபோல, காலையில் 38,608 ரூபாய்க்கு விற்பனை செய்யப்பட்ட 8 கிராம் தூய தங்கம் மாலையில் 48 ரூபாய் குறைந்து 38,560 ரூபாய்க்கு விற்பனையாகிறது.

வெள்ளி விலை சற்று உயர்ந்துள்ளது. சென்னையில் ஒரு கிராம் வெள்ளி விலை இன்று காலை ரூ.67.50 ஆக இருந்தது. மாலையில் அது ரூ.67.70 ஆக உயர்ந்துள்ளது. ஒரு கிலோ வெள்ளி 67,700 ரூபாய்க்கு விற்பனை செய்யப்படுகிறது.