Public Provident Fund: పీపీఎఫ్‌లోనే ఎందుకు పెట్టుబడి పెట్టాలి? దాని వల్ల అన్ని ప్రయోజనాలున్నాయా? వివరాలు తెలుసుకోండి..

Business

ఇప్పటివరకూ 12 త్రైమాసికాలుగా పీపీఎఫ్ వడ్డీ రేటును కేంద్ర ప్రభుత్వం పెంచలేదు. అయినప్పటికీ ఈ పథకంలో పెట్టుబడులు పెట్టవచ్చు. దీని వల్ల లాభాలే గానీ నష్టం ఉండదని నిపుణులు చెబుతున్న మాట.అందుకు గల కారణాలు కూడా వారు వివరిస్తున్నారు.

ప్రజల నుంచి విశేష ఆదరణ పొందిన పథకం పబ్లిక్ ప్రావిడెంట్ ఫండ్. అధిక వడ్డీతో పాటు లభించే పన్ను ప్రయోజనాలు,కేంద్ర ప్రభుత్వ భరోసా కూడా ఉండటంతో ప్రజలు దీనిలో అధికంగా పెట్టుబడులు పెడుతున్నారు. అయితే 2023-24 ఏప్రిల్-జూన్ త్రైమాసికానికి పీపీఎఫ్ పై వడ్డీ రేటును పెంచకూడదని ప్రభుత్వం నిర్ణయించడంతో చాలా మంది పబ్లిక్ ప్రావిడెంట్ ఫండ్ (పీపీఎఫ్) ఖాతాదారులు నిరాశ చెందారు. అన్ని ఇతర చిన్న పొదుపు పథకాలకు రేట్లు 10-70 బేసిస్ పాయింట్లు వరకు పెంచినప్పటికీ, పీపీఎఫ్ కు మాత్రం ఎటువంటి పెంపు లేదు. దీంతో డిపాజిటర్లు మునుపటి మాదిరిగానే 7.1% వడ్డీని పొందుతారు. దీంతో ఇప్పటివరకూ 12 త్రైమాసికాలుగా పీపీఎఫ్ వడ్డీ రేటును కేంద్ర ప్రభుత్వం పెంచలేదు. అయినప్పటికీ ఈ పథకంలో పెట్టుబడులు పెట్టవచ్చు. దీని వల్ల లాభాలే గానీ నష్టం ఉండదని నిపుణులు చెబుతున్న మాట.అందుకు గల కారణాలు కూడా వారు వివరిస్తున్నారు. వడ్డీ రేటు పెరగక పోయినా పీపీఎఫ్ లో ఎందుకు పెట్టుబడులు పెట్టాలి? తెలుసుకుందాం రండి..

పన్ను ప్రయోజనం..

ఇన్వెస్టర్లు పీపీఎఫ్‌లో పెట్టుబడులు పెట్టడానికి ఇదే అతిపెద్ద కారణం. ఎన్ఎస్సీ , కేవీపీ, 5 సంవత్సరాల పోస్ట్ ఆఫీస్ టైమ్ డిపాజిట్ లేదా బ్యాంకులు అందించే కొన్ని ఫిక్స్‌డ్ డిపాజిట్ పథకాలతో పోలిస్తే 7.1% వడ్డీ రేటు తక్కువగా అనిపించవచ్చు. అయితే దీని కున్న పన్ను ప్రయోజనం వేరే ఇతర పొదుపు పథకాలకు లేదు. పన్ను మినహాయింపు కోరుకునే వారు అందరూ దీనిలో పెట్టుబడులు పెట్టవచ్చు. అంతేకాక పీపీఎఫ్ ఖాతా “EEE” కేటగిరీలో వస్తుంది, ఇక్కడ సంవత్సరానికి రూ. 1.5 లక్షల వరకు డిపాజిట్లు, సంపాదించిన వడ్డీ,మెచ్యూరిటీ మొత్తం ఎలాంటి పన్నులు లేకుండా ఉంటాయి. అలాగే 31.2% పన్ను పరిధిలో ఉన్న వ్యక్తులకు, ప్రభావవంతమైన పీపీఎఫ్ వడ్డీ 10.32%గా ఉంటుందని అంచనా.

దీర్ఘకాలిక పెట్టుబడి..

పీపీఎఫ్ అనేది మీరు వివిధ ఆర్థిక లక్ష్యాల కోసం 15 సంవత్సరాలు లేదా అంతకంటే ఎక్కువ కాలం పాటు పెట్టుబడి పెట్టాల్సిన పథకం. 7.1% వడ్డీతో కూడా, ఒక పెట్టుబడిదారుడు ప్రతి సంవత్సరం రూ. 1.5 లక్షల పెట్టుబడి పెట్టడం ద్వారా 15 ఏళ్లలో రూ. 40 లక్షల కంటే ఎక్కువ, 20 ఏళ్లలో రూ. 66 లక్షలకు పైగా పన్ను రహిత కార్పస్‌ను కూడబెట్టుకోవచ్చు.

రాబడులకు గ్యారంటీ..

వివిధ మార్కెట్-లింక్డ్ స్కీమ్‌లలో పెట్టుబడులు పెడితే రాబడులపై గ్యారంటీ ఉండదు. మార్కెట్ ఒడిదొడుకులను బట్టి రాబడులుంటాయి. అయితే పీపీఎఫ్ కేంద్ర ప్రభుత్వ భరోసాతో గ్యారంటీ రాబడులు అందిస్తుంది.

రుణ సౌకర్యం..

డిపాజిటర్లు తమ పీపీఎఫ్ ఖాతాలోని మొత్తానికి వ్యతిరేకంగా (25% వరకు) మీరు లోన్ తీసుకోవచ్చు. ప్రారంభ సభ్యత్వం పొందిన ఆర్థిక సంవత్సరం చివరి నుండి ఒక సంవత్సరం గడువు ముగిసిన తర్వాత ఈ రుణ సదుపాయం పొందవచ్చు. అంతేకాకుండా, మీరు 36 నెలలలోపు రుణాన్ని తిరిగి చెల్లిస్తే, సంవత్సరానికి 1% మాత్రమే వడ్డీ రేటు వర్తిస్తుంది.

భవిష్యత్తులో వడ్డీ రేటు పెరగవచ్చు..

ప్రభుత్వం ప్రతి త్రైమాసికంలో చిన్న పొదుపు రేట్లను సవరిస్తున్నందున, పీపీఎఫ్ వడ్డీ ఎల్లప్పుడూ 7.1% ఉండకపోవచ్చు. గతంలో ఈ పథకం సగటున 8% వడ్డీని అందించినందున భవిష్యత్తులో ఇది పెరగవచ్చు.

Related Posts

Business

మార్చి 15న భారతీయ స్టాక్ మార్కెట్ నుండి ఏమి ఆశించాలి

ప్రపంచ విపరీత మార్కెట్ సూచనలను బట్టి భారతీయ స్టాక్ మార్కెట్ సూచికలు శుక్రవారం తగ్గిన స్థాయిలో ప్రారంభించబడవచ్చు.
గిఫ్ట్ నిఫ్టీ పై ట్రెండ్లు కూడా భారతీయ ప్రామాణిక సూచికకు గ్యాప్-డౌన్ ప్రారంభం సూచిస్తున్నాయి. గిఫ్ట్ నిఫ్టీ

Business

ఆర్‌బీఐ నిబంధనలను అనుసరించడానికి టాటా సన్స్ పునర్వ్యవస్థీకరణ ప్రణాళికల పై పని చేస్తున్నారు: నివేదిక

రిజర్వ్ బ్యాంక్ ఆఫ్ ఇండియా (ఆర్‌బీఐ) చేత ఉన్న నిబంధనలను అనుసరించడానికి, ఆర్థిక సేవల సంస్థ టాటా క్యాపిటల్‌లో ఉన్న వాటాను మరొక సంస్థకు బదిలీ చేయడం ఒక ఎంపికగా టాటా సన్స్ పరిగణలో

Business

ఇండోనేషియా: టైర్లతో కొత్త వ్యాపారం.. అసలైన రిసైక్లింగ్ వ్యాపారం

రిసైక్లింగ్ వ్యాపారం అనేది అత్యంత ఆశాదాయకంగా, ప్రతి వస్తువును జాగ్రత్తగా మరియు కొత్తగా ఉపయోగించడం ఒక దొరికే అవకాశం. ఇందులో వ్యాపారాన్ని తెచ్చే ఒక కంపెనీ ఇందోనేషియాలో భూమి, నదులు కాలుష్యానికి ప్రతి వరుస

Business

అసెంబ్లింగ్‌ ప్రాసెస్‌ను ఫాక్స్‌కాన్‌ స్టార్ట్‌ చేసుకోగానే ఇండియాలో ఐఫోన్‌ 15 తయారీ ప్రారంభం!

అప్పుడుగా, ఆపిల్‌ కంపెనీ సమాచారాన్ని ముఖ్యమైన పత్రికలు మరియు టెక్నాలజీ బ్లాగులలో ప్రచురించాయి. ఐఫోన్‌ 15 అంతర్గత ప్రముఖ మార్పులు చేస్తున్నాయని, ఈ మోడల్‌లో కెమెరా సిస్టమ్‌ను భారీగా అప్‌గ్రేడ్‌ చేస్తున్నట్లు తెలుస్తున్నారు. ప్రో